農場冰室

營業中

休息中

睇見鋪頭名好似同好多年前執左嘅農場餐廳有關，anyway我都係見到個價錢唔太貴所以試下嘅。叫左個下午茶焗豬扒飯配奶茶，見杯奶茶顏色就幾深，飲落茶味濃不過苦澀味都明顯，可能係茶底浸左好耐掛，味道尚可唔算好出色，無掛杯又無漿口感覺。至於個焗豬扒飯，份量就唔下午茶，睇落都幾飽肚。之不過個茄汁鮮色得好詭異，唔似係真蕃茄煮出黎，到底有幾多色素甚至有無蕃茄真係唔知。豬扒好少少，食得到少少黃薑味比較特別，同埋唔會好鞋口。或者其他嘢食可以試下，不過個焗豬扒飯不了。