火鍋煮場 (已結業)

百物騰貴，食材加價加到癲，出面好多食開嘅食肆一係就加咗價一係就份量少咗，難得呢間火鍋店價錢冇乜變但係水準依舊保持到。先嚟兩個小食，炸午餐肉同埋魚片頭。湯底揀咗蕃茄牛尾湯，呢間舖頭個蕃茄湯底做得唔錯。牛肉就揀咗安格斯，呢度係用牛小排嘅，所以油花、牛味同埋口感都比較好。仲叫咗碟牛白肉，好爽口，切到好薄， 滾兩滾就食得。佢呢度嘅雞子有兩款，因為唔知乜嘢係農場雞子就問侍應，佢話係新鮮雞子，另一隻就係平時食開大粒嘅，原來係火雞雞子，於是叫龍翔雞子試吓，好細粒，要用筲箕藍住淥，如果唔係實搵唔返，味道同口感同大粒嘅雞子基本上係一樣。佢啲啤酒好抵飲，德國啤酒， $10一支，有八至九款任揀，呢隻幾好飲。