牛車水餐廳 (西九龍中心) (已結業)

20:40入座，入座時樓面職員已告訴我們餐廳21:30關門，有問題就離開，冇問題就快d落柯打食完就走，岩吾岩！阻人收工就吾好喇！20:43我哋已經落好左單，過程順利，食物亦好快就上枱。過程中一路聽到果水吧師傅係到嘈，叫姐姐問個客飲凍檸水，姐姐就話單係凍檸茶，姐姐叫水吧整過，水吧就話整左，叫個客飲就飲，吾飲就冇喇！當時我哋都未知咩事！亦未必係我哋，因為21:30先閂門，仲有成大半個鐘！之後姐姐就過嚟問我地凍檸水要吾要？師傅沖錯咗，唔明白點解一間茶餐廳可以未到閂門時候就倒晒所有嘢。個水吧師傅仲喺度大大聲聲發脾氣鬧我地客人好叫凍檸茶，同埋阻住佢收工！當時只係21:00 ，距離鋪頭收工仲有半個鐘！又叫樓面姐姐唔滿意佢就同老細講叫老細炒咗佢！完全一個不愉快嘅吃飯經驗！水吧師傅可以大晒咁要求客人食乜嘢飲乜嘢！我唔係話我哋俾錢食嘢係大晒，但都要合理唔好過分要求別人！如果對份工咁唔滿意，咁咪唔好撚做囉！你老細請着你啲咁嘅水吧師傅，簡直係到緊你老細嘅米！如果大家真係要去呢間餐廳食飯，食飯可以諗清楚，如果唔係分分鐘俾錢受氣，倒不如唔好食好過！