元元酸菜魚

營業中

休息中

今日主人好懶惰無煮飯，問我小戀熊想食咩晚餐，一定揀我最中意食嘅酸菜魚啦~😻將軍澳有咁多間選擇，今次試吓呢間元元酸菜魚，開咗咁耐我都未食過。酸菜魚2-3人份 $251打開就見到中間有滿滿嘅辣椒，側邊有魚肉圍住，大約有十幾片，魚肉不算滑，但係都有魚味；湯底唔夠酸味，唔夠濃香味都唔夠，輕微辣度；辣椒底下，有勁多芽菜；豆卜都有唔少，吸咗d湯都好食；最底有幾條寬粉，幾厚身同煙靭。😼小戀熊私心評分：60/100呢間酸菜魚水準一般，唔洗特別去試。不過勝在可以打電話去預先order，之後再去拎，省卻咗等候時間。