Triple O's by White Spot (希慎廣場) (已結業)

收工相約女朋友到銅鑼灣行下街，想食得快少少，就上去希慎11樓food court 食Triple O's 。食佢原因好簡單，就係食一個好食而唔太貴既漢堡包餐。 當我去到餐牌前，就見到而家Triple O's 已加價到$89 一個餐 ( 我上一次食應該係兩年前)。 感覺上有d貴，但照叫左一個Mushroom Burger Combo黎食。1 個漢堡、1杯檸茶同埋1份薯條。檸茶冇咩可以討論，都是一般雀檸；薯條大不如前，冧過毛巾，亦冇以往果種薯仔味，呢樣可以歸因於薯條炸既時間太短同擺得太耐，拎到埋口都已經凍左；講起個漢堡就嬲嬲地，Mushroom Buger裡面有3分1係冇mushroom，應該係廚房夾餡料夾得差，然後當我咬到有mushroom果時就太咸，塊肉又比以前薄左，成個包比兩年前差左唔少。今次食Triple O's 可以話係完全失望...... 下次再食，都未必再去呢一間食。