太興 (已結業)

本身對太興冇乜好感，只係覺得佢又貴又唔好食。但因為有d coupon 所以先去下。冰鎮奶茶係點菜後一陣就送到，水準依舊，奶的比例較重，好香好滑。而且特別設計令茶味不會被溶冰溝淡，係非常好！但宜家堂食換上較重較厚的膠杯，唔係以前裝珍珠奶茶既外賣膠杯lu～飲唔曬都冇得拎走。點了燒味雙併（選了燒肉+切雞）+ 粉葛湯 。燒肉很瘦但不韌，唔會過鹹，雞都算滑，唔多肥膏，叫燒味專門店係有佢既原因既。但兩棵菜係敗筆，兩條菜心又苦又韌朋友點了一個wasabi燒肉飯～點菜時，侍應都有溫馨提示話 "wasabi攻鼻,ok嗎?"wasabi燒肉飯係太興原創既，幾有創意！燒肉加埋wasabi都係唔會過鹹，而且攻攻地鼻個下好搞笑，冇諗過wasabi＋燒肉都係咁好食。份量算適中，一個人食岩岩好。Overall 服務／食物／環境都係滿意但都係個句，太貴了……