Thai Basil (已搬遷) 新店位置

星期日晏晝行過見到有位，附近d食肆又唔係咁合心水，所以入嚟試下。叫咗一個唔記得乜名嘅脆炒飯、黃咖哩牛肉同一個蝦湯麵，重有三杯嘢飲。個炒飯濕濕地但有一dd脆脆地嘅飯粒，口感幾特別味道算唔錯；個湯麵冇食唔知味道，但飲咗啖湯，幾甜，算得；個黃咖哩牛肉份量幾多，咖哩唔辣但香，牛肉唔算太嫩滑但算可以。呢到食品算唔錯，招呼好，地方幾有氣氛。如果係商務飯局或者對價錢唔係太計較嘅，呢到係一個幾好嘅選擇。