陳儀興牛什粉麵 (鴻祥大廈)

營業中

休息中

享受假期絕不會開爐煮野食, 同丫姨去咗旺角搵食, 兜咗陣就隨意入咗呢間粉麵店, 估唔到咁好食!呢度主打多款潮洲牛雜不同部位、丸類、小食, 配搭粉麵/飯類。崩沙腩河:崩沙腩好林, 每件有薄軟膠質, 爽軟唔硬, 其中一面連住爽口感嘅肋骨, 牛味清香; 湯底加入了牛腩汁, 河粉索咗個湯汁, 有淡淡牛味, 正!牛三寶河:集齊牛腩、牛筋、牛肚於一碗, 豐富又滿足!牛腩肉味香濃, 肥瘦適中冇渣; 牛筋軟硬適中, 腍得嚟又不失口感; 牛肚係選用金錢肚, 爽口勁入味;炸雲吞: 即叫即炸, 炸皮金黃脆卜卜. 雖然唔算大粒, 餡料嘅鮮甜爽口蝦肉比例多於豬肉餡, 鮮香味十足, 爽口有層次, 點上甜酸醬, 味道更提升。