影片
更多
2021-06-04
1903 瀏覽
2021年6月4日 雨今日原本諗住同朋友食壽司郎, 點知等左好耐都未有位... 唯有去附近一間都幾中意食ge 韓國餐廳食lunch。間餐廳一向冷氣好大, 怕凍ge 記得著褸。 坐底左會上六碟小菜, 每次都會有少少唔同, 不過基本ge 都會有, 今次黎ge 係泡菜, 菠菜, 薯仔, 芽菜, 魚糕, 海帶。薯仔同菠菜個人一向幾中意食, 泡菜佢係生泡菜, 但今次略嫌唔夠味。今次我叫左辣炒8爪魚+辣豆腐湯set $128, 人十豆腐湯有蛋魷魚蜆, 正常。 不過個辣炒8爪魚今次就有d 奇怪, 佢一黎到唔熱ge, 唔算凍, 但一d 微溫都冇, 室溫咁。 食落口, 佢又未算生, 但一定唔係平時熟曬個d... 因為韓國菜有時都生醃ge, 我冇理佢就照食左... 但諗諗下都唔係幾對路...希望冇事la。朋友就叫左個生滾鮮蠔豆腐湯$100, 飲湯d 蠔味唔太出, 反而調味料個味就偏重...石頭鰻魚飯係星期五special $128, 正常鰻魚飯, 不過不失, 但我覺得個鰻魚可以再大d。食完之後仲會每人有一粒維記糯米糍食。總括黎講我覺得比以前差左, 但個味都係好食ge
今日原本諗住同朋友食壽司郎, 點知等左好耐都未有位... 唯有去附近一間都幾中意食ge 韓國餐廳食lunch。
間餐廳一向冷氣好大, 怕凍ge 記得著褸。 坐底左會上六碟小菜, 每次都會有少少唔同, 不過基本ge 都會有, 今次黎ge 係泡菜, 菠菜, 薯仔, 芽菜, 魚糕, 海帶。薯仔同菠菜個人一向幾中意食, 泡菜佢係生泡菜, 但今次略嫌唔夠味。
今次我叫左辣炒8爪魚+辣豆腐湯set $128, 人十豆腐湯有蛋魷魚蜆, 正常。 不過個辣炒8爪魚今次就有d 奇怪, 佢一黎到唔熱ge, 唔算凍, 但一d 微溫都冇, 室溫咁。 食落口, 佢又未算生, 但一定唔係平時熟曬個d... 因為韓國菜有時都生醃ge, 我冇理佢就照食左... 但諗諗下都唔係幾對路...希望冇事la。
朋友就叫左個生滾鮮蠔豆腐湯$100, 飲湯d 蠔味唔太出, 反而調味料個味就偏重...
石頭鰻魚飯係星期五special $128, 正常鰻魚飯, 不過不失, 但我覺得個鰻魚可以再大d。
食完之後仲會每人有一粒維記糯米糍食。總括黎講我覺得比以前差左, 但個味都係好食ge
張貼
