蒸廬 (已結業)

已經第三次來「蒸廬」食點心，一直都想試吓原盅燉湯，今日見可以提早食晏，自私嘆個 long lunch 天氣涼涼地就點左盅「花膠蟲草花栗子燉土雞湯」$60 補下身燉湯份量十足，大約有兩碗湯、材料也不差，有花膠仔、乾栗子、蟲草花、生茨實、乾螺片、鷄肉。不過就見唔到花膠形，可能燉到溶咗都唔奇，其他材料也燉至半溶化，飲前記得加少許鹽，不得了！飲落又甜又鮮，湯一定要襯熱飲，飲一盅已經飽左。呢個係我每次必點「雲石芝麻包」$26窩心提示超級熨咀，我一手將軟棉棉嘅包瓣開兩邊，即時見到如溶岩嘅黑芝麻醬傾瀉出來，一不小心成手都系芝麻醬，芝麻醬味香又滑，超級正！佢哋其他蒸點心都有水準，大家不妨一試。