影片
更多
2020-03-02
318 瀏覽
呢排好少出街食飯，喺屋企食清淡左，突然想食水煮魚。有朋友上次食過呢間話幾好食，橫掂去開灣仔，就佢啦。6:30去到，都有幾圍枱坐左人，入去職員都好快安排二人座位俾我哋，呢間鋪嘅裝修都幾特別，幾懷舊，有種70年代大排檔夾雜埋中式傳統嘅裝修風格。連餐具都好經典。得兩個人食唔到幾多，我哋叫咗一個水煮魚同埋苦瓜炒牛肉。一嚟就係水煮魚，其實我個人唔係好食得辣，所以叫定罐汽水救火😂。一開始食唔係好難，桂花魚好新鮮大嚿又冇骨，啖啖肉，煮到啱啱好冇過龍，香料同辣椒嘅味好夾，豆卜索晒d湯，好刺激但係好好味。佢嘅辣係一路食一路出嚟，，越食覺得越辣，最後成罐汽水飲晒要再叫，但係真係好好食，我連配菜都食埋。苦瓜炒牛肉，係家常便飯常有嘅一味餸，出街食飯都想食得住家啲😁，牛肉唔軔，苦瓜唔係好苦，落左冬菇一齊炒令到個菜更香，加埋豆豉辣椒，超惹味👍兩個菜都勁好送飯，梗係一人一個白飯啦😂其實個水煮魚真係好抵食，好大份，我哋兩個人食，食到好滿足，好飽。 😋
6:30去到，都有幾圍枱坐左人，入去職員都好快安排二人座位俾我哋，呢間鋪嘅裝修都幾特別，幾懷舊，有種70年代大排檔夾雜埋中式傳統嘅裝修風格。連餐具都好經典。
得兩個人食唔到幾多，我哋叫咗一個水煮魚同埋苦瓜炒牛肉。
一嚟就係水煮魚，其實我個人唔係好食得辣，所以叫定罐汽水救火😂。一開始食唔係好難，桂花魚好新鮮大嚿又冇骨，啖啖肉，煮到啱啱好冇過龍，香料同辣椒嘅味好夾，豆卜索晒d湯，好刺激但係好好味。佢嘅辣係一路食一路出嚟，，越食覺得越辣，最後成罐汽水飲晒要再叫，但係真係好好食，我連配菜都食埋。
苦瓜炒牛肉，係家常便飯常有嘅一味餸，出街食飯都想食得住家啲😁，牛肉唔軔，苦瓜唔係好苦，落左冬菇一齊炒令到個菜更香，加埋豆豉辣椒，超惹味👍
兩個菜都勁好送飯，梗係一人一個白飯啦😂
其實個水煮魚真係好抵食，好大份，我哋兩個人食，食到好滿足，好飽。 😋
張貼
