十二味 (赫德道)

營業中

休息中

旺角收工同朋友去食晚飯，佢話想食辣野，於是去咗食水煮魚，果晚8點半去到，無book枱，所以都要等咗十分鐘先有得入去。入到去坐低之後，環境好逼，枱與枱之間好窄無咩空間，好有壓逼感坐得唔舒服。呢到用qr code手機落單，都幾方便。乾煸四乾豆，食完唔會覺得好油膩，做到好乾身既效果。水煮魚魚片唔腥魚肉都幾滑，入面配料都多。麻婆豆腐味道正常，但份量少咗d。因為我地人少食得唔多野，餐廳仲有酸菜魚，紅糖糍粑，牛肉麻辣香鍋，都好多選擇可以揀。