水記

營業中

休息中

好耐冇去過水記啦，趁週末晚相約好友去食返餐。夜晚7:30去到，以為會好多人要等位，點知唔使，入到去仲有幾張空枱。滷水鵝腸，新鮮，但唔夠爽脆，肥啲會更加好，滷水味ok，少咗啲清香層次。飛天通菜，炒得頗有鑊氣， 爽口，$58 大大碟，性價比高。招牌小炒王，材料十足，韭菜，腰果，魷魚，菜莆，銀魚乾，炒得鹹香十足，可惜好友唔飲啤酒，唔係佐酒一流 😅泰式煎蠔餅，好友叫的，佢以為係一餅餅的，但上枱變咗炸蠔仔粒，再加上蠔仔唔係太多，有啲剩係得炸粉，頗失望 😞。整體來講，水記嘅性價比係高，值得再返兜嘅 🤣！