鳳城小食

營業中

休息中

之前想平食就會去權記食麵，食完仲有時間行下玩具街，早排食完行街就留意到鳳城呢間店，佢都係食粉麵，有幾個舖位，有機會坐店內食，亦又機會坐街食。今次黎到，發現除左粉麵，都有飯食，另外仲有三文治，燒賣之類。箍牙妹當然揀食粉啦！正當阿姐吹我落單，我話我第一次黎，咁佢就介紹我食水餃同雲吞，好啦，你話事！咁我就要左個水餃雲吞河。2粒水餃3粒雲吞，好大碗河粉，水餃果然有料到，好大粒，好多蝦仁，仲有木耳絲同筍絲，食落好爽口。雲吞都唔差，蝦仁數量亦不少。河粉份量真係幾多下，食到一半已經飽。不過雙拼加$10有啲貴。