樂湯雞麵館 (庇利金街) (裝修中)

有次在朋友介紹下，認識了樂湯雞麵館，最早在太子分店享用過，感覺食物真材實料。但早前太子店結業，令我和友人都感到失落。知道在佐敦再開一間，就好想去試。 其實樂湯雞都食過幾次，砂鍋雞，花雕醉雞等等相信都係大部分人第一次黎會叫的食物。而我今次就見到有新野，叫：大碗飯被佢飯上面的雞件同鮑魚吸引住，於是就落單啦, 另外仲點左一碗雞湯。 雞湯同飯一齊上，先呷一口雞湯，感覺清甜，仲有陣陣金華火腿味，$10一碗抵唔抵就見仁見智，反正我之後應該都會叫🤣，真係好好飲。之後到大碗飯啦！一見到就有一隻鮑魚同4～5件雞件，而飯底就係鮑汁香菇絲飯。飯底每粒都佈滿鮑魚汁你唔會見到丁點白飯。而且佢並唔係淋汁上去，所以個飯唔會濕哂，好食。鮑魚個人冇咩研究，腍滑有鮑魚味，夠彈牙，對我而言已經好好味。雞件沒有去骨，對於我呢啲懶人黎講去骨當然最好，不過無去都唔礙事，因為骨都只係得小小。 雞件有汁不老，肥瘦適中，配埋個飯仲可以突出到雞的甜味，超正。七十幾蚊一碗話貴唔貴話平唔平。但絕對物有所值！總結，樂湯雞真係好難令你失望！必定回頭！