影片
更多
2018-05-19
1796 瀏覽
唔知點解我地永遠唔會對泰國菜厭倦？今日晚飯就近近地去屋企附近嘅KOH THAI食。呢間餐廳分別有露天及室內。我地最鐘意坐出露天。記得上次來好似成兩年次，仲記得佢地有個招牌菜：泰式香辣慢煮豬肋排。第一次來食呢個招牌菜，好嫰又惹味，之後再來食就冇咁好食。可能換左個廚師。今次再來，俾多次機會，點左幾款基本泰食。青木瓜沙律 - 辣辣地，個汁好味左！我男朋友點左青咖哩雞！最鐘意個汁濃唔稀！餸飯可以食曬成碗飯！泰式大蝦炒金邊粉：啲蝦新鮮，個羅望子汁酸酸地，幾開胃！不過好似冇乜蛋。個豆腐乾變左豆腐粒。我比較鐘意豆腐乾。呢個金邊粉就炒得濕左啲。下次再番來試番個慢煮豬肋排再報告一下
記得上次來好似成兩年次，仲記得佢地有個招牌菜：泰式香辣慢煮豬肋排。第一次來食呢個招牌菜，好嫰又惹味，之後再來食就冇咁好食。可能換左個廚師。
今次再來，俾多次機會，點左幾款基本泰食。
青木瓜沙律 - 辣辣地，個汁好味左！
青木瓜沙律
27 瀏覽
0 讚好
0 留言
我男朋友點左青咖哩雞！最鐘意個汁濃唔稀！餸飯可以食曬成碗飯！
泰式大蝦炒金邊粉：啲蝦新鮮，個羅望子汁酸酸地，幾開胃！不過好似冇乜蛋。個豆腐乾變左豆腐粒。我比較鐘意豆腐乾。呢個金邊粉就炒得濕左啲。
下次再番來試番個慢煮豬肋排再報告一下
張貼
