群記清湯腩 (已結業)

「別人笑我太瘋癲、我笑他人看不穿」之大埔群記清湯腩： 好多人都會覺得麻麻哋姐、N年前好食啲, 牛腩好柴這這那那，喺我心目中永遠係香港牛腩麵頭三甲、知道佢光榮結業、排粒半鐘都要會一會佢、掛住嘅唔只係佢嘅味道 、我嘅回憶、更重要嘅係老闆娘嘅人情味。 入到去有位面目全非嘅阿姐同我講冇淨爽，感覺就好似破壞之王大師兄用邊鎚兜嘢中落我塊面度Knock Down , 點知突然之間有把倩女幽魂嘅聲音同嗰個阿姐講，「得㗎喇你照寫啦」、 上到枱就係爽腩、同老闆娘嗰種微妙嘅關係不能用筆墨形容。 呢度嘅爽腩有樣好：佢唔會好似九記咁要有暗號先叫到、又或者叫到佢都溝啲唔知乜嘢嘅部位俾你、反之群記真係比足料你，每件有返咁上下斤両、我個攻略位就係：爽腩必須要淨食，如果有粉面的話、佢會將爽腩完整一大舊切細，咁樣真係會影響到嗰碗粉嘅質素，所以我相信如果叫淨食的話、怨氣應該不會太重😊老婆得一個，趁有機會三妻四妾，梗係叫一碗淨爽、筋河、面珠E, 男人的浪漫、大家明嗎「笑」營業到4月29號就結束，下星期再接再厲