達人包車 (已結業)

主要講食物,其實如果係韓國見到呢類乜都有既餐廳,建議大家千祈唔好幫襯,但係香港好多外國既餐廳為迎合市場需要,改到無晒原來既風味,呢間係其中一間,果晚因為太夜去食,唯獨係呢間未收先中伏,點左辣炸雞同雪濃湯,先黎雪濃湯,如果你唔攪佢個樣好似普通湯咁…係清既,當你攪佢時,就會有白色一粒粒粉狀既野係湯裡面,而唔係正常既成碗奶白色咁,未有疫情時我每月都去韓國,但從未飲過咁既雪濃湯,之後睇下d料,裡面竟然係有半透明既麵,咩料呀…雪濃湯喎,算…辣炸雞正常既,但係辣炸雞既配料好唔正常喎,就係炸薯角,本身炸得好地地送下燒酒,佢將d炸薯角好似炸雞咁,撈埋d辣汁,咁咪淋晒囉,大家諗下炸薯角淋晒係咩樣同咩味,諗唔到可以買包薯條,淋晒時食下,跟住係門口撞到果間鋪既老闆,傾左幾句,佢係韓國人,係香港住左四年幾,但我就覺佢自己已經習慣左香港模式,連d野食水平都改晒,係改差晒,所以唔會再去食