元朗燒賣皇后妙舒

營業中

休息中

今日行開路德圍想食少少野就係呢間元朗燒賣皇后試下，叫左個魚蛋燒賣雙拼，沙嗲汁。等左一陣就有，拎到上手就見到成碗都係汁，好濃好重味下，雖然魚蛋燒賣都幾好食，但係俾個汁搞到漿住晒，食兩粒都好滯。之後重點嚟啦，我食完想托個職員幫我掉左個紙碗佢，佢一嚟就話我哋唔代掉垃圾，跟住指住對面後巷話果度有垃圾桶，叫我自己掉。我就好奇怪，你自己舖頭門口無垃圾桶，又唔代掉，叫顧客去人哋舖頭條後巷去掉落人哋個垃圾桶度，咁樣好唔好意思？我聽到呆左，淨係識應一聲下，個職員就唔理我去招呼其他人。最後我拎住個碗行左兩條街先搵到個垃圾桶，張圖就係我行去搵垃圾桶先影。啲野幾好食都無用，服務態度咁樣都唔會再食第二次。