La Kaffa (已結業)

下午茶時段去食, 叫左兩款下午茶餐, 一款係煙燻三文魚牛油果醬吐司. 另外一款係芝士烤雞扒漢堡配薯角. 先講果份煙熏三文魚牛油果醬吐司, 呢份餐其實無乜製作技巧可言, 煙燻三文魚現成買返黎好唔好食唔關你鋪頭事, 牛油果醬都應該係現成買返黎, 但少得可憐…..要打開份麵包用肉眼細心觀察先睇到果2CM X 2CM範圍既牛油果醬, 呢份叫吐司, 但我食到既係一份沒有烘過既麵包. 我諗稱唔上係吐司……..戲肉到喇, 等左接近半小時既芝士烤雞扒漢堡配薯角, 追問過一次侍應先生, 侍應先生表示呢份餐製作要D時間, 明白的, 烤係要D時間, 所以我繼續耐心且期待地等候, 可惜事與願違………成份餐沒有一樣野係熱既, 從來沒有,從來都沒有!! 上下兩塊麵包, 其實可以比少少誠意, 搽少少牛油放上PAN 煎一煎, 烘一烘, 再懶D可以放入多士機過一圈. 塊袖珍雞扒非常原汁原味, 即係冇味, 煎又好烤又好比少少燒烤醬做一做個味得嗎?!又或者求其茄汁溝TABASCO做個漢堡汁都叫做有D味道食下,最攞命係塊袖珍雞扒係凍架, 製作要D時間?! 要D時間烤完之後灘返凍呀?! 薯角都係凍架……見到隔離枱成份西多士食剩