MOS Burger (已結業)

東港城有VR遊戲限定體驗，我一直都想去玩下，咁啱朋友就約我去，但未玩之前一於去醫肚先，我所知玩VR 都幾消耗體力，唔食飽真係無力玩。今次搵mos burger，我都好耐無食過，因為星期六，中午時間真係好多人，立即去買個餐，買左個“摩斯芝士漢堡“餐，配埋薯條、汽水。買完可以搵位坐定定，等職員攞份餐來，個包好足料，塊漢堡肉牛肉味重，仲有少少肉汁，中間有碎洋蒽同埋蕃茄醬，洋蒽生生地，所以食落會有點辣，反而辣辣地仲好食，至於薯條無得輸，係我至愛的粗薯條，即叫即炸，特別香口好味。