Texas Burger (已結業)

朗豪坊12樓有間Texas Burger。聽個名以為淨係食漢堡包，原來重有墨西哥菜式。🔶墨西哥雞肉菠蘿漢堡由上而下分別有墨西哥雞肉、芝士、菠蘿同生菜。墨西哥雞肉有d醬汁，味道特別。菠蘿甜又多汁。🔶另外加左$40嗌左杯黑牛。好大杯！雲呢拿雪糕配可樂永遠係最正嘅組合！😍煙燻英國車打芝士牛肉漢堡加左$36升級左做套餐，有薯條、酸青瓜同埋飲品。🔶煙燻英國車打芝士牛肉漢堡有四層餡料，分別係：煙燻英國車打芝士、牛肉、蕃茄同生菜。牛肉有口感，配煙燻英國車打芝士味道好夾👍🏻。配juicy蕃茄同爽脆生菜同吃更滋味！😋薯條炸成金黃色，外脆內軟，點埋茄汁食重正！酸青瓜幾大條，可以切開幾片放入漢堡包裏面一齊食添！酸酸地幾開胃。飲品嗌左杯熱茉莉花茶。幽幽花香，茶味香濃。