The Beef & Leaf (已結業)

行過見到新開美食區，好奇行去睇，見到幾特別嘅饅頭漢堡，諗咗陣就叫咗個試吓，行咗入鋪等見到兩個專業西餐師傅look嘅廚，着住整齊嘅黑色西廚制服，望過嚟一邊微笑一邊繼續打漢堡扒。。突然諗到少林足球嘅一段。。從佢地整齊嘅制服 友善嘅眼神 我完全感受到嗰份誠意同體育精神。。唔係，係專業精神先啱。。有啲離題講翻嘢食先。。個饅頭漢堡望落有啲似刈包，但比其更鬆軟同吸味，拎上手有啲燙手，咬一啖啲醬汁就瀉出嚟。。佢有好多唔同汁，我就揀咗佢嘅招牌主打汁---野菌汁。。呢個汁同個漢堡好夾，佢混合咗幾種菌，做出嚟嘅效果，絕對比得上高級西餐廳嘅出品。秘製野菌醬汁當野菌天然甜味，令其本身有啲似牛肝菌嘅濃郁菌味當中又有一點清新感。*利申，我唔知師父個汁有無用牛肝菌，但食落有啲似。。。個汁如果有得配飯正到爆。。而個饅頭吸咗汁嘅味，令個味道更提升。。之後就再試咗佢個牛葉船即係牛扒。。。佢可以配兩隻汁，我就揀咗咕嚕同沙爹，沙嗲好香，咕嚕對比下就略遜色..絕對值得一嘗再嘗