尚香 (已結業)

之前去咗南京一段時間，有啲掛住經常食嘅江蘇特色小籠包，香港有一間新開嘅原來都係內地品牌，一定有傳統風味！地址就偏僻少少，係登打士街廣華街嗰邊嘅大街，真係估唔到一間小籠包外賣店竟然可以上到餐廳排名榜⋯主打幾款小籠包，當日本身都想試吓糯米燒賣點知賣晒，好可惜。蟹黃湯包＄45@1等左一陣就有得食，裏面啲湯汁好有鮮味，又有蟹香。估唔到裏面啲湯汁可以咁多，用飲管飲都要飲一陣先飲完，比想像中好味得多。而且裏面仲有啲蟹肉，蟹黃當然唔少得，好有口感而且鮮味十足。蟹黃小籠包＄45@5個 鮮肉小籠包＄35@5個 我就覺得兩者分別不大，上面嘅蟹黃其實味道唔算濃郁，比較清淡。蟹黃小籠包裏面嘅肉好似包含咗少少蟹黃，所以味道就雜小小，同樣係唔錯嘅選擇。反而鮮肉小籠包好似更加清新，裏面就係普通嘅肉，小小肥好有彈性。