麵屋武蔵 (新鴻基中心) (已結業)

原來麵屋武藏最近新出左個燒豚肉拉麵，湯底係用魚清湯同清雞湯混合，入口味道鮮甜有層次，有魚嘅鮮味亦有雞嘅清甜，配料有荀乾，青葱，半熟玉子，荀乾應該係用芝麻油略略炒過，清甜有麻油香味，半熟玉子因為只有半隻未能痛快一口咬穿玉子所以要扣分，主角燒豚肉即係豬腩肉片，腩肉片煎得好香，肉面有微微黑胡椒碎幾惹味，麵條係直身麵，煙靭有咬口，店家家好似做緊優惠，如果點呢個燒豚肉麵可以優惠價＄20蚊追加煎餃子一碟，不過我一個人怕食唔晒所以無加，總結呢碗麵湯頭唔錯，食得過。