西貢越南真味

營業中

休息中

越南河粉的湯底一般都係用牛骨和牛腩經長時間熬煮而成，而呢度既湯底除左有牛湯底外，仲有雞湯底，坊間越南餐廳比較少有。首先叫個前菜牙車快，即越南菜既雞絲沙律，口味酸酸辣辣，非常開胃。湯粉方面先試牛湯底既順化湯檬，牛湯底味道比較香濃，順化湯檬配料有意想不到既豬手，配搭扎肉同牛展，大量洋蔥、乾蔥及九層塔，最特別係加上順化辣油，令碗檬粉加多一種惹味，但又唔會太辣。另一碗係西貢什會河粉，用上清甜雞湯，配料有蟹柳、鮮蝦、扎肉同豬頸肉，味清而鮮，啱哂鍾意比較清淡口味既朋友。