揀得啱車仔麵 (已結業)

呢排真係凍到不得了🥶，而且為咗慳口罩，真係好少出街，不過前幾日有事要出去，走既時候好餓，又想食車仔麵，所以就揀咗佢。三餸麵套餐加熱飲 ($55，追加一個餸12)阿媽要咗清湯，本身以為清湯可能冇咩味，但原來佢本身已經好夠味，比平時飲開既好味好多。我叫既係沙嗲味，沙嗲味好濃郁，估唔到佢湯底都咁好飲。餸方面個人會比較推薦瑞士雞翼，豬軟骨同咖哩魚蛋☺️。無論雞翼定豬軟骨都煮得好嫩好入味😃，至於咖哩魚蛋就用咗陳皮魚蛋，咖哩味好濃。雖然價錢唔叫好平，但喺中上環嚟講都可以接受，起碼佢味道唔錯，睇得出佢哋無論喺食材定湯底方面都落咗心機。P.S.本身佢以為我叫淨餸，因為我冇剔麵底，之後佢補返比我，所以點解有2碗就係咁，haha