贏麵 (已結業)

之前係經過呢間店咁啱想食酸辣粉所以第一次試，自個次之後都食過好幾次，每次都食到好飽好滿足 ^^ 但因為店入面人手唔夠，所以上餐速度有時會比較慢，趕時間嘅人就可以再考慮下會唔會下次得閒d再試~無咩影到好多佢嘅食物相因為從來無諗過寫過食評，但呢個酸辣粉加豬紅係我每次黎都會叫嘅！個湯好過癮因為好香，我食唔到太辣所以會叫微辣或者小辣！一齊黎嘅朋友叫過皇牌大贏麵、四川小麵同埋其他小菜，都幾幾鍾意隻味~呢間店都可以叫外賣！我都會食完買外賣比屋企人試試呢間上環嘅酸辣粉嘅滋味