影片
更多
2020-09-29
62 瀏覽
見佢推廣拉麵買一送一咁抵 即刻就襯機會去試下 不過就只係最多原價$98果啲款嘅拉麵有得享用呢個優惠舖頭細細 樓面主要都係由一個人負責哂 所以感覺都好忙 有需要嘅時候就未必注意到 不過都算係能夠及時提供相應嘅服務拉麵方面就嗌咗雞白湯拉麵同黑蒜醬油拉麵分別係圖一同圖二而配料上兩碗拉麵除咗湯底外都大致一樣 黑蒜醬油有兩塊紫菜而雞湯就有啲疑似炸蔥嘅東西肉方面就有兩塊雞肉同豚肉 食落就真係好有豬肉同雞肉嘅味 無乜特別去調味佢嘅感覺 有啲似慢煮雞胸肉出嚟嘅感覺 唔算好嫩滑 但又唔算“鞋” 不過最值得一提嘅都係佢哋嘅湯底 兩款湯底飲落都係好濃好鮮嘅味道 都幾突出 係食過咁多拉麵入面最唔咸嘅舖頭 但又幾好飲 飲完都唔會話覺得好口渴 飲飲下都差唔多飲哂成碗仲另外嗌咗兩串串燒 分別係燒黑豚肉串同醬燒牛柳粒串 唔算抵食 兩個嘅調味上都好類似 不過燒黑豚肉串就相較好食 切成長方形肉塊 肥瘦好平均 搽滿一層醬汁食落就幾滋味至於牛柳粒串就無乜特別現場上佢哋網站登記做會員有積分送可以即時用嚟換汽水或者一隻糖心蛋添襯佢優惠計埋加一都係埋單$221 兩個人 相當抵食如果有機會應該都可以試下佢果款最貴 好似$138嘅極濃
舖頭細細 樓面主要都係由一個人負責哂 所以感覺都好忙 有需要嘅時候就未必注意到 不過都算係能夠及時提供相應嘅服務
拉麵方面就嗌咗雞白湯拉麵同黑蒜醬油拉麵
分別係圖一同圖二
而配料上兩碗拉麵除咗湯底外都大致一樣 黑蒜醬油有兩塊紫菜而雞湯就有啲疑似炸蔥嘅東西
肉方面就有兩塊雞肉同豚肉 食落就真係好有豬肉同雞肉嘅味 無乜特別去調味佢嘅感覺 有啲似慢煮雞胸肉出嚟嘅感覺 唔算好嫩滑 但又唔算“鞋”
不過最值得一提嘅都係佢哋嘅湯底 兩款湯底飲落都係好濃好鮮嘅味道 都幾突出 係食過咁多拉麵入面最唔咸嘅舖頭 但又幾好飲 飲完都唔會話覺得好口渴 飲飲下都差唔多飲哂成碗
仲另外嗌咗兩串串燒 分別係燒黑豚肉串同醬燒牛柳粒串 唔算抵食 兩個嘅調味上都好類似 不過燒黑豚肉串就相較好食 切成長方形肉塊 肥瘦好平均 搽滿一層醬汁食落就幾滋味
至於牛柳粒串就無乜特別
現場上佢哋網站登記做會員有積分送可以即時用嚟換汽水或者一隻糖心蛋添
襯佢優惠計埋加一都係埋單$221 兩個人 相當抵食
如果有機會應該都可以試下佢果款最貴 好似$138嘅極濃湯底嘅拉麵 唔知係咪真係會再突出好多呢啲味
張貼
