元洲牛肉麵 (青華閣) (已結業)

.📍元洲牛肉麵📍#饅頭去長沙灣 #饅頭食台灣菜------------------------------1️⃣ 半筋半肉麵 ($69)🔹上湯蘿蔔 (跟餐)係小編久仰大名嘅元洲牛肉麵😆，喺呢度嗌一碗麵或者飯係可以跟一款配菜，小編揀咗上湯蘿蔔，湯底似係魚湯，唔會過腥，不過就咁飲會有啲鹹，勝在蘿蔔冇乜渣，成功索到湯底精華，鮮甜中帶少少上湯鹹味，幾好食。至於主角牛肉麵嘅湯底令我眼前一亮，清水超深，成功熬出牛骨同藥材精隨，但飲落反而係藥材味道更為濃郁😋💯，需靜心品嚐先發現湯底亦散發著淡淡嘅牛骨香氣，鹹味適中，唔會有多餘油花滯留喺湯底面層造成油膩感；麵質無論係粗幼定口感都頗似烏冬，煙韌有咬口，可惜就唔太滑身，食嗰陣亦吸收唔到湯底味道；比較失望嘅係佢剩係比得一嚿牛蹍我🥴，不過牛蹍煮得唔錯，雖然細件但厚肉得嚟又入味，紋路清晰均勻，軟腍程屬近乎入囗即化，然後帶筋部分增加嚼口同帶些少漿口感；牛筋同樣吸引湯底同醬汁鮮味，口感Q彈，係表面漿口軟腍，內帶嚼勁。如果可以比多一嚿牛蹍我就更好。------------------------------🔸整體評分：7.8/10🔸小編回頭率：7/10