影片
更多
2018-01-11
204 瀏覽
好耐都冇去打邊爐，大少放假可以出去食好嘢。之前個朋友仔已經推介過呢間火鍋好多次，佢食咗4，5次我都未去過，今日終於有機會去喇！平時好怕啲火鍋店好迫，地方痴立立，呢間火鍋店超寬敞，仲好乾淨，超正！餐牌選擇好多，最後我地都係叫套餐，兩個人可以食多啲款，佢地有呢個套餐真係好方便我地呢啲兩丁友打邊爐！一見到有美人鍋，諗都唔洗諗啦，另外大少就要麻辣，個鍋一上，我真係忍唔住“嘩”咗一聲，個湯底超足料呀！入面有半隻烏雞，有桃膠，仲有好多菇類，食個湯底都飽啦！我忍唔住飲咗好多湯同埋我地加錢叫咗封門牛，侍應介紹話牛肉味濃啲，真係值得加錢一試！另外個黑松露豚肉餃子都好好食，黑松露好重，好香。海鮮都好新鮮！朋友仔果然冇介紹錯！總結：環境舒適乾淨，湯底足料超值，食物質素高！
之前個朋友仔已經推介過呢間火鍋好多次，佢食咗4，5次我都未去過，今日終於有機會去喇！
平時好怕啲火鍋店好迫，地方痴立立，呢間火鍋店超寬敞，仲好乾淨，超正！
餐牌選擇好多，最後我地都係叫套餐，兩個人可以食多啲款，佢地有呢個套餐真係好方便我地呢啲兩丁友打邊爐！
一見到有美人鍋，諗都唔洗諗啦，另外大少就要麻辣，個鍋一上，我真係忍唔住“嘩”咗一聲，個湯底超足料呀！入面有半隻烏雞，有桃膠，仲有好多菇類，食個湯底都飽啦！我忍唔住飲咗好多湯
同埋我地加錢叫咗封門牛，侍應介紹話牛肉味濃啲，真係值得加錢一試！
另外個黑松露豚肉餃子都好好食，黑松露好重，好香。海鮮都好新鮮！
朋友仔果然冇介紹錯！
總結：環境舒適乾淨，湯底足料超值，食物質素高！
張貼
