西貢越南真味

營業中

休息中

中午十二點前嚟到食飯，舖頭冇客人。我一落單，隔兩分鐘就已經上菜，想讚舖頭效率好高。我叫咗碗湯檬，味道正常，唔係特別出色。本來都冇事，點知食到中途發現發泡膠粒！仲要唔止一粒！好彩冇食到！本來諗住係個別事件算數，點知我一食完，啱啱放低筷子，店員已經第一時間收走我隻碗，問都唔問一聲！飲完飲品又係即刻收走隻杯！效率果然極高！間舖當時除咗我之外，就只得一枱客，周圍都係吉枱，係咪咁心急要趕客走呢？埋單又冇嚟笑容，咁嘅服務態度，真係唔想再幫襯，對面間越南菜仲平過佢啦！