勁餃笑

營業中

休息中

今日星期五，得我自己一個食晚餐，又唔想喺屋企煮，於是就諗住簡簡單單食餃子，知道紅磡呢間人氣好高，而且網上面仲話好多好得意嘅貓貓裝飾，於是就入咗嚟，果然真係貓貓迷，餐廳周圍都有勁多超得意嘅貓貓擺設。呢度食物質素真係超水準，今日我叫咗椰菜豬肉湯餃，餃子皮厚到高剛好，入面嘅餡料亦都好飽滿，椰菜切到一粒粒，特別有口感，不過重點其實在於個湯底，真係覺得食過湯餃之後係唔會捨得食煎餃，因為個湯底真係超級無敵好飲，店員都話個湯底係真材實料牛仔，完全冇落味精，我再細問，佢先講原來落咗哈密瓜，難怪我識到有一種熟悉，但係又神秘嘅味道。之後我加點咗兩個小食，分別就係蠔油紫菜同埋涼拌菠菜，成個感覺即刻好健康。涼拌菠菜係用咗有子汁，冇諗過原來咁樣嘅配搭都幾清新，菠菜加埋甜甜地嘅柚子醬真係幾好食。 至於飲品我就要咗季節限定嘅自家製蘋果雪梨水，冇諗過佢喺罐裝咁樣上，的確係幾清甜幾好味。差啲忘記講，當然一定要用埋自家製辣菜圃，餃子先夠正，每次落單都可以免費要一碟。