丼丼屋 (創紀之城五期(apm))

營業中

休息中

原本想食元氣，但apm嘅元氣實在太多人了，先7點已經要等70幾張飛，唯有屈就下行過隔離食丼丼屋。其實我平時麻麻地食刺身丼，亦麻麻地食吞拿魚，因為我唔鍾意口感太淋嘅野食，但今次我又罕有地亂點咗呢個辛辣牛油果吞拿魚丼，而佢又比我想像中好味！因為佢係吞拿魚粒，所以每粒都沾滿辛辣醬汁，要黎送飯一流。而牛油果又中和番辛辣吞拿魚粒嘅濃味，同時佢亦令成個飯有多重口感，成件事幾夾。至於友人點嘅十勝帶廣名物豚丼亦唔差，豚肉係半肥瘦，口感唔會好鞋，日式醬汁亦加分，但就略嫌有點太油。宜家係apm foodcourt食個飯都要60 70蚊，但又唔係特別好味，所以丼丼屋之後都可以係我喺apm嘅其中一個飯堂喇！