永順食店 (已結業)

入元朗搵茶飲，上開飯搵，結果黎咗呢檔地踎茶檔。諗住要排隊，結果又唔駛。叫咗一碗雞亦豬扒蟹王麵同沙嗲蟹王麵，加多奶茶咖啡各一杯，共89元。奶茶咖啡個人認為比普通茶仔好小小咁，雞亦豬扒好好食。蟹王麵，原本俾個名誤導，仲以為個麵真係有蟹王，原來蟹王麵係一個品牌，係一個極彈牙嘅即食麵。主角永遠最後出場『特濃沙嗲汁』！沙爹的而且確係今次嘅主角，試諗諗飲牛奶如果飲杯特濃版個口味會好好多，而呢度個沙爹，又香又濃，淡淡花生醬香，絶對唔會死咸。同一盤茶記嘅沙爹係兩種感受，鐘意爹牛麵，一定要黎試。