新麻蒲 BBQ

營業中

休息中

秋風起，韓燒好好味，今日興致勃勃又同sy到澳門去發洩一下，把近來的不快拋之腦後。這次我地選定了新麻浦，晚市既新麻浦座無虛席，好彩我地都唔使等好耐就入到去坐低。韓國餐泡菜唔少得，我地一坐低，服務員就拎左幾款前菜比我地，當中呢個金針茹就較為出色，口感爽滑，有小小牛油味，甜絲絲的感覺，點滴在心頭。而另外幾款前菜就不過不失，在此不作介紹了。在芸芸的食品之中，我地揀左呢幾種，護心肉，牛肋排，菠蘿同埋大磨茹，先講護心肉啦，肉質嫩滑，牛肉味都幾重，味道在口腔來回返滾，不錯不錯。牛肋排比較大塊，燒完要剪成小塊進食，可能我地先進食護心肉的關係，呢個牛肋排就相對地較厚身，沒那麼如絲般入口，在我而言，牛肋排就一般般。菠蘿甜，磨茹鮮，我可以咁樣形容，每樣只有6塊，對2個人既食量黎講就相當足夠，但三五知己過黎既話，就須點多1份啦。Last 我地仲點多1份海鮮豆腐鍋刺激下我地既味蕾，呢個鍋略嫌辣道不足，但對喜好清淡些既朋友黎講，又不失為一個好的選擇。豆腐鍋，用料足，只是辣道不足而已。好食物可以令人心景變得開朗，經過這餐後，煩惱不見了，向著巴黎人出發，繼續旅程。