Charcoal Time

營業中

休息中

如果唔係住得近都唔會發現呢間唔起眼嘅小店仔，平時要食千層蛋糕通常都會去xx M但佢哋勁甜又貴😵‍💫呢間差唔多平成一半但水準都不錯，原來佢哋仲有原個蛋糕同少量馬卡賣🤫下次再試下先芋泥千層蛋糕$38蛋糕有淡淡嘅芋泥味，唔會太甜，啲cream一食就知唔係啲cheap嘅化學味，見佢好似係用咗法國牌子嘅cream同日本蛋，真係值得一試🤤中間2層有啲芋泥蓉，已經同蛋糕融為一體，毫無違和感，食得出係真材實料。椰子千層蛋糕$40本身唔係太鐘意椰子但呢款我竟然覺得好食過芋泥添😳因為比起芋泥椰子味更加突出，完全唔係出面嗰種香精味，椰子粒夾雜住係蛋糕入面，口感豐富得多，打破咗我對椰子嘅睇法。