形 (大涌橋路)

營業中

休息中

之前去過將軍澳既分店，原來新開了一間喺沙田，今日終於有機會去試吓！原來唔同分店有唔同菜式，呢度主要係酒吧形式，有各類飲品之餘，又有唔同娛樂，例如篤波飛鏢，放工黎聚一聚都幾好。野食就主要有川式串燒，雖然同將軍澳分店主打日本菜有分別，但都幾驚喜，款式多而且新鮮即烤即上，配酒一流！燒雞翼，豬腩肉，翠玉瓜串外邊燒到脆卜卜，但又唔會流失肉汁。蠔都尚算新鮮大隻，焗得剛剛好唔會過老。炸蝦送酒一定要有炸物！朋友叫左啤酒，我就叫左一個mocktail Mixed Berry Paradise，佢係由唔同Berry打成沙冰，酸酸甜甜，飲完又唔覺得漏，幾推介！