ZAN CHEE (新城市廣場一期) (已結業)

今日經過Zan Chee，見好多人排隊，原來是韓國料理外賣店，見到廚窗超級多款式選擇，真係超級花多眼亂，有泡菜、醃制、醬菜、煸炒、鹽漬海鮮、韓式拌飯、飯捲、湯燉、炸物、串燒等等。飯捲+炸紫菜粉絲+炸雞（$75）每次食韓國菜都會必點飯捲、炸雞、缺一不可，飯捲大大件，醃蘿蔔、青瓜絲、紅蘿蔔絲、牛蒡絲、蟹柳非常足料，而且材料新鮮。炸雞我超級鐘意，炸雞雞肉嫩滑、醬汁酸酸辣辣，又惹味又醒胃。芝士飯捲（$45）有十件，每件餡料都好豐富，芝士用上軟芝士，芝士入口即溶，飯粒濕潤飽滿，清新爽口。