甜入心 (好運中心) (已結業)

甜入心去左甜入心試左個朱古力心太軟+朱古力雪糕（$48）、風花雪（$36）、士多啤梨比利時窩夫（$59）。整體非常滿意，因為係下午去人少、服務質素好好、serve客人既態度唔錯、心太軟係好多間整完都唔太流心，但呢間甜入心時間控制得幾好，朱古力醬加糖霜都唔會太甜。風花雪既椰汁濃、豆腐花就唔太滑，芒果一半，整體配合唔錯，唔會比椰汁搶哂芒果味。士多啤梨比利時窩夫（$59）望到個配料好驚喜，估唔到有藍莓，抺茶粒粒同花生粒粒同楓糖。士多啤梨比利時窩夫唔會過哂火候，剛剛好，又唔會焦。配埋雪糕，一啖窩夫一啖雪糕非常正。