影片
更多
2024-09-03
207 瀏覽
順。越南牛肉粉 今次要介紹喺沙田好運中心3樓平台大裝修後，依家多咗好多間新嘅餐廳，而今次揀咗呢間餐廳叫「順。越南牛肉粉 」，佢哋最出名就係生牛肉，未到兩點我就開始攞籌，有個男店員好好人，叫我哋入去坐住先！我哋早咗大約10分鐘入去坐，開始睇menu有咩食，睇睇下有位女店員催我哋落單，我話你問男店員先啦，諗緊食咩都唔得，我諗女店員未識咩叫做「好客之道」，比面男店員算啦！1.生牛肉牛肉丸湯粉（河粉）$62+三色咸檸七$12（9/10）叫咗一碗生牛肉牛肉丸湯河，揀咗河粉，河粉量都幾多，牛味湯底都算濃唔會油，生牛肉薄切唔肥，牛肉大約有10片，仲有4粒爽口彈牙牛肉丸，其他配料有芽菜、洋蔥同青蔥等！飲品揀咗三色咸檸七，入面真係有三種檸檬，再加一罐7UP汽水！2.河內蕃茄蟹檬（金邊粉）$72+紫米乳酪沙冰$26（9.5/10）叫咗一碗河內蕃茄蟹檬，揀咗金邊粉，金邊粉好爽滑，份量都算多，至於配料十分豐富，包括有四分一隻蟹，蟹肉都算ok多，仲有其他配料包括有2粒好彈牙嘅蝦丸、4塊扎肉同幾舊蕃茄肉等，湯底係蕃茄湯底，完全無味精，唔錯唔錯！飲品就揀咗紫米乳酪沙冰，乳酪沙冰唔會好甜，不過好快飲哂，好難飲到紫米，
今次要介紹喺沙田好運中心3樓平台大裝修後，依家多咗好多間新嘅餐廳，而今次揀咗呢間餐廳叫「順。越南牛肉粉 」，佢哋最出名就係生牛肉，未到兩點我就開始攞籌，有個男店員好好人，叫我哋入去坐住先！
我哋早咗大約10分鐘入去坐，開始睇menu有咩食，睇睇下有位女店員催我哋落單，我話你問男店員先啦，諗緊食咩都唔得，我諗女店員未識咩叫做「好客之道」，比面男店員算啦！
1.生牛肉牛肉丸湯粉（河粉）$62+三色咸檸七$12（9/10）
叫咗一碗生牛肉牛肉丸湯河，揀咗河粉，河粉量都幾多，牛味湯底都算濃唔會油，生牛肉薄切唔肥，牛肉大約有10片，仲有4粒爽口彈牙牛肉丸，其他配料有芽菜、洋蔥同青蔥等！
飲品揀咗三色咸檸七，入面真係有三種檸檬，再加一罐7UP汽水！
2.河內蕃茄蟹檬（金邊粉）$72+紫米乳酪沙冰$26（9.5/10）
叫咗一碗河內蕃茄蟹檬，揀咗金邊粉，金邊粉好爽滑，份量都算多，至於配料十分豐富，包括有四分一隻蟹，蟹肉都算ok多，仲有其他配料包括有2粒好彈牙嘅蝦丸、4塊扎肉同幾舊蕃茄肉等，湯底係蕃茄湯底，完全無味精，唔錯唔錯！
飲品就揀咗紫米乳酪沙冰，乳酪沙冰唔會好甜，不過好快飲哂，好難飲到紫米，要用匙羹不上嚟！
3.通菜（大頭蝦膏）$36（8.5/10）
最後叫咗一碟通菜，可以揀大頭蝦膏、馬拉盞同蒜蓉魚露呢三個味道，我揀咗大頭蝦膏，通菜份量算多，不過有少少油，蝦膏味算重，整體唔錯！
2人總共價錢$229，有加一服務費！
個人口味總評分：9/10
地址：沙田橫壆街1-15號好運中心3樓3007號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#順越南牛肉粉 #沙田 #沙田好去處 #沙田美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
