入麵 (已結業)

入麵 - 石門又去到石門搵食，今次就去到京瑞廣場一間主打撈麵的食店，在門外店員姨姨非常熱情地介紹，亦推介回味醬骨架，所以一於入去坐低試下。坐低後，見到很多食客都叫了「回味醬骨架」所以都叫黎試試，另外叫了一入雞球試試回味醬骨架 $82豬骨濃湯麵+$2荔枝玉露鹽酥雞球 $76薑葱蒜撈麵珍珠奶茶首先講講個回味醬骨架，真係非常入味，肉質很嫩，店員都細心預備了膠手套比食客，食落就更方便，很細心。另外，鹽酥雞球都炸得很香脆，都幾大份，而且雞肉肉質都很水潤。撈麵方面，見上網都很多人推介，於是叫了多麵。果然撈麵非常好食，麵質硬度適中，大口大口咁食，很快就消哂。另外一個叫了豬骨濃湯湯底的湯麵試一下，麵質質撈麵差唔多，不過都係撈麵好食野味啲。另外，飲品方面叫了「荔枝玉露」及「珍珠奶茶」，兩杯我都叫了微甜，甜度剛剛合適自己口味。珍珠奶茶有驚喜，味道拍得住手搖店，以不用額外收費來講，非常抵飲，值得一讚。至於荔枝玉露的果肉都很多，每一口飲落都有咬口，而且都很香的荔枝味道。