台灣麵

營業中

休息中

沙田一城台灣麵，食物不過不失，環境就真係一般，係正3個廁所隔離，餐廳仲要係開放式，當有人出入厕所，經常一陣味，飄來夜來清香，枱與枱之間非常狹窄，服務態度差就唔使講㗎啦，全個－城都知，老細最好喺11點到11:30去睇吓，不停趕客，仲要發客人脾氣坐低幾個字，眼見肥姐已經成功趕走五班客，厲害厲害，倒米壽星。11:20已經話冇早餐食，佢勁過老細啊裏面大把位都要你坐門口啊，相信呢間生意一落千丈之前見早餐錢11:30前都要等位，而家大把位，相信好快加入呢個3000執笠食肆名單，唯一推介係啲牛扒的確係幾好食，冇乜梳打味牛肉又淋又滑。