影片
更多
2018-05-07
2185 瀏覽
今日同事帶我去食lunch, 搵到嚟瀝源邨娛樂城地庫嘅沙龍會。冇諗過玩桌球，打麻雀嘅地方，竟然係有餐廳，非會員都入得去食。午市套餐，全部都係$47,有碟頭飯，亦都有炒粉麵，$65套餐有小菜送白飯。 送熱飲一杯。六個人就嗌咗六碟嘢食，可以大家share, 分量多到食唔曬，有海味雜菜煲，咕嚕班球，乾炒牛河，魚鬆蒸茄子，菜遠炒牛肉，咖哩牛腩，食到好開心，叫多個沙拉骨添！咕嚕班球，肉質幾結實，算新鮮呢，醬汁酸甜適中。魚鬆蒸茄子，好香冬菇味，配料魚鬆都多，茄子不會太淋，味道好又有口感。乾炒牛河，河粉好煙韌，炒得有鑊氣，牛肉就用鬆肉粉醃過，質感軟得滯，但整體味道是好食的。海味雜菜煲，都算幾多料，菜都有4款，粉絲，蝦米，冬菇都多，所以啖湯好清甜。沙拉骨，在炸好的長條排骨上，灑上沙律醬，估唔到排骨啖啖肉，又爽口，呢味餸很推介給食肉獸呢！飲品都好出名，估唔到熱飲都咁大杯！ 叫咗杯熱咖啡，味道都夠香濃，不過甜咗少少，下次要佢少甜。如果叫凍飲更加大杯，以為係啲特飲杯咁大，如果細食嘅女士，叫一杯凍飲可以倒開一半share添，亦都可以唔使一人叫一個餐，譬如4人叫3個餐，大家分，又抵食又夠飽，又唔會浪費食物，下次
午市套餐，全部都係$47,有碟頭飯，亦都有炒粉麵，$65套餐有小菜送白飯。 送熱飲一杯。
六個人就嗌咗六碟嘢食，可以大家share, 分量多到食唔曬，有海味雜菜煲，咕嚕班球，乾炒牛河，魚鬆蒸茄子，菜遠炒牛肉，咖哩牛腩，食到好開心，叫多個沙拉骨添！
咕嚕班球，肉質幾結實，算新鮮呢，醬汁酸甜適中。
魚鬆蒸茄子，好香冬菇味，配料魚鬆都多，茄子不會太淋，味道好又有口感。
乾炒牛河，河粉好煙韌，炒得有鑊氣，牛肉就用鬆肉粉醃過，質感軟得滯，但整體味道是好食的。
海味雜菜煲，都算幾多料，菜都有4款，粉絲，蝦米，冬菇都多，所以啖湯好清甜。
沙拉骨，在炸好的長條排骨上，灑上沙律醬，估唔到排骨啖啖肉，又爽口，呢味餸很推介給食肉獸呢！
飲品都好出名，估唔到熱飲都咁大杯！ 叫咗杯熱咖啡，味道都夠香濃，不過甜咗少少，下次要佢少甜。
如果叫凍飲更加大杯，以為係啲特飲杯咁大，如果細食嘅女士，叫一杯凍飲可以倒開一半share添，亦都可以唔使一人叫一個餐，譬如4人叫3個餐，大家分，又抵食又夠飽，又唔會浪費食物，下次都會再幫襯。
張貼
