影片
更多
2013-10-21
2537 瀏覽
預早兩日喺openrice網上 "tablemap" 訂下午6點半枱，而金川呢排早一日訂枱，每人送兩隻生蠔。到咗當日早上，金川打電話嚟confirm booking，順便話俾我哋知冇生蠔。夜晚6點半準時到達，但冇人應酬，等咗5分鐘先有人招呼我哋入座。入座後第一時間寫刺身，交紙後先寫炸物。為防要等好耐，寫定多一張刺身，點知唔覺意交埋！一如所料，刺身等咗起碼25分鐘先到，炸嘢反而快啲，而過多10分鐘上埋第二轉刺身，跟住其他嘢唔使等好耐，總之枱面一路都有嘢食，唔快都唔緊要。吉列炸蠔，夠熱夠脆，蠔肉唔霉有蠔味。炸芝士年糕，好油，勁熱，年糕皮好黏牙，入面芝士好流但唔太漏，但要小心灼傷條脷。甘蔗蝦（炸蝦球），比以前差咗，縮咗水兼靭皮，唔係好得。香茅雞翼，好明顯係咖哩雞翼加脆獎粉炸，難食，小弟整走咗表面啲脆皮先ok。蜜椒雞翼，即係加咗蜜糖嘅香茅雞翼，反而又勁好味喎！！和牛清湯火鍋+肥牛，好味，好香，肥牛有牛味又唔靭，ok架~泰式生蝦刺身，蝦身爽口但無味，靠香料辣汁撘救，少辣。火焰沙律三文魚壽司，細細件但幾好食。第一轉刺身：三文魚、甜蝦，比較鮮甜。魚、希靈魚、醋鯖魚，一般。第二轉刺身：多咗鱆紅魚，都
到咗當日早上，金川打電話嚟confirm booking，順便話俾我哋知冇生蠔。
夜晚6點半準時到達，但冇人應酬，等咗5分鐘先有人招呼我哋入座。
入座後第一時間寫刺身，交紙後先寫炸物。為防要等好耐，寫定多一張刺身，點知唔覺意交埋！
一如所料，刺身等咗起碼25分鐘先到，炸嘢反而快啲，而過多10分鐘上埋第二轉刺身，跟住其他嘢唔使等好耐，總之枱面一路都有嘢食，唔快都唔緊要。
吉列炸蠔，夠熱夠脆，蠔肉唔霉有蠔味。
炸芝士年糕，好油，勁熱，年糕皮好黏牙，入面芝士好流但唔太漏，但要小心灼傷條脷。
甘蔗蝦（炸蝦球），比以前差咗，縮咗水兼靭皮，唔係好得。
香茅雞翼，好明顯係咖哩雞翼加脆獎粉炸，難食，小弟整走咗表面啲脆皮先ok。
蜜椒雞翼，即係加咗蜜糖嘅香茅雞翼，反而又勁好味喎！！
和牛清湯火鍋+肥牛，好味，好香，肥牛有牛味又唔靭，ok架~
泰式生蝦刺身，蝦身爽口但無味，靠香料辣汁撘救，少辣。
火焰沙律三文魚壽司，細細件但幾好食。
第一轉刺身：
三文魚、甜蝦，比較鮮甜。魚、希靈魚、醋鯖魚，一般。
第二轉刺身：
多咗鱆紅魚，都鮮甜。但希靈魚唔知點解越食越甜，甜到我作嘔。醋鯖魚就好似壞咗咁有怪味，好難食所以剩低晒。
飲品有凍、熱杯裝柚子蜜，好甜。罐裝有藍冰啤酒、海珠啤酒、可口可樂、忌簾、+C、芬達提子汽水。
甜品要出去攞，款式好多，質素好高，絕對要留肚食！最推介係北海道牛乳布甸，而其他都值得品嚐！佢做得細細件，可以俾各位全部都食啲，試啱先再攞。而呢度係冇雪糕嘅！
由入座到食飽都係個半鐘多啲，未夠鐘都已經可以捧住個肚走，只要早啲遞多啲單就ok~~服務嚟講一般，因為交流只在於入座、遞單、追單（好少漏單）、埋單。但同佢哋講唔該係會客氣回應嘅~
題外話/補充資料：
網上訂位好方便！
(以上食評乃用戶個人意見 , 並不代表OpenRice之觀點。)
張貼
