鴛鴦奶茶 (香港中文大學醫院)

營業中

休息中

今日約左中學同學見個面，得知佢喺中文大學醫學院返工，咁啱我又要去睇醫生，所以同學約我去佢地醫院員工食堂食個晏，本來心諗唔係卦，食個晏都要食喺醫院員工飯堂，不過新年期間見下面，附近又好似無乜食肆，所以就將就下，但點知一黎到，原來唔係我想像中果啲食堂，我仲以為又係大X樂，美X果啲喺醫院改個名就繼續經營嘅食堂，呢間我記得喺石門工廠區都有分店，我亦都食過，今次喺醫院覺得環境地方係一流，地方大又濶落，乾淨企理，價錢雖然係比果幾間快餐貴，但同學有員工折扣，計起上黎比我自己去果幾間仲要平，食品質數遠遠超越果幾間快餐，午餐時間都好多外來人幫襯，同學話都有好多中文大學啲學生黎幫襯，個人覺得食品出色，由於減磅關係，食左個雞扒沙律，朋友就叫左份牛扒，沙律醬汁個味調得唔錯，好開胃，菜又新鮮，朋友個牛扒話煮得啱啱好，以快餐質量，真係贏晒，如果佢地可以開多啲分店喺出面，相信果幾間快餐會比下去