影片
更多
2021-10-22
11300 瀏覽
我喺係8月份訂位嘅，星期一同媽咪，表姐一齊去。三人用HSBC有折，扣減兩張$100現金券，加一後，埋單係$1497.60-。當晚6:30已經到場，應該有八成入座。要排隊嘅只有生蠔及煎鵝肝多士，但排隊人數絕對唔多，大概都係得四五個。生蠔係有比較遜色，屬於BB級數，比較細隻，體型只有半隻手指咁大。煎鵝肝嘅師傅大約10至15分鐘煎完大約20件，一分為二，放喺多士上。我諗我哋攞咗起碼十幾轉，排隊都冇超過3分鐘。凍海鮮共合約四款，有龍蝦、蟹腳、青口、蟹。無可否認啲蟹腳係細啲瘦啲。但當晚龍蝦好鮮甜，咁多款涷海鮮裏面食得最多款就係呢個。平時喺出面食到好多都係已經好冰，應該解凍功夫做得唔好。唔係我一個人話好食㗎，媽咪同表姐都食咗好多㗎，唔好以為我老吹😎！由於現時做『🇪🇸西班牙🇪🇸』主題，除咗有Ham、西班牙涷湯、另外都仲有西班牙蛋餅、西班牙肉丸、紅酒會轉面脥肉、西班牙海鮮飯等等。是日主要肉食，是日有斧頭扒，肉眼扒、羊脾、西班牙乳豬，鵝肝多士。肉眼扒燒得太熟，唔啱我呢個嗜血嘅人。如果唔鍾意食西式，呢度有金銀蛋粥（師傅話每日煲嘅粥都唔同嘅）
當晚6:30已經到場，應該有八成入座。要排隊嘅只有生蠔及煎鵝肝多士，但排隊人數絕對唔多，大概都係得四五個。生蠔係有比較遜色，屬於BB級數，比較細隻，體型只有半隻手指咁大。煎鵝肝嘅師傅大約10至15分鐘煎完大約20件，一分為二，放喺多士上。我諗我哋攞咗起碼十幾轉，排隊都冇超過3分鐘。
凍海鮮共合約四款，有龍蝦、蟹腳、青口、蟹。無可否認啲蟹腳係細啲瘦啲。但當晚龍蝦好鮮甜，咁多款涷海鮮裏面食得最多款就係呢個。平時喺出面食到好多都係已經好冰，應該解凍功夫做得唔好。唔係我一個人話好食㗎，媽咪同表姐都食咗好多㗎，唔好以為我老吹😎！

由於現時做『🇪🇸西班牙🇪🇸』主題，除咗有Ham、西班牙涷湯、另外都仲有西班牙蛋餅、西班牙肉丸、紅酒會轉面脥肉、西班牙海鮮飯等等。
是日主要肉食，是日有斧頭扒，肉眼扒、羊脾、西班牙乳豬，鵝肝多士。肉眼扒燒得太熟，唔啱我呢個嗜血嘅人。
如果唔鍾意食西式，呢度有金銀蛋粥（師傅話每日煲嘅粥都唔同嘅）、湯粉麵、上湯蒸上蔬、藥膳雞腳。仲即烤片皮鴨、海南雞、鹵肉、鹵豆腐。 另外仲有中式蓮藕章魚湯及南瓜湯。
片皮鴨真係好受歡迎，個師傅不停已經出鴨片鴨，忙到冇停手，但去咁多轉，啲阿姐阿哥都係留番啲肥嘅俾我哋啲後生食。慘慘豬！
熱盤有豬腳薑、杭州骨、白酒青口、釀蘑菇、煎魚、炸蝦球、炒意粉、炒飯。
有焗微型薄餅、三款印度烤餅、三款唔同口味嘅咖喱。呢個薄餅就真係唔係好得啦，個賣相唔得、味道都唔得。食慣啲炭燒薄餅，呢啲真係唔放得入口。
除咗壽司、剌身。呢度仲有爐端燒、大阪燒、天婦羅炸物、日式冷麵。
爐端燒：我試食咗雞腎、雞皮及雞髀菇。師傅都好忙，不停燒不停燒，去到尾聲8:30都仲見佢燒緊。
天婦羅炸物：呢兩個師傅都幾忙，成晚冇停過手。有炸蠔、炸蝦、炸餃子、炸番薯、炸茄子。。。
剌身只有四款：分別三文魚、吞拿魚、八爪魚、𩶘魚。我問過師傅，佢話每日都會轉款，所以未知道聽日會提供邊款剌身。
壽司有好多款， 大細就好似而家出面食嘅放題一樣。全晚不停有有補給，但好可惜今次冇海膽卷。
沙律、生果嗰啲唔使講啦。沙律菜係有大約五款，生果就比較少得三款，呢兩樣嘢都冇機會食。所以唔講！唔記得咗同大家講呢度仲有免費咖啡、凍檸檬茶、荔枝冰紅茶，同埋涷水提供嘅。
女仔都係比較注重甜品，放大目標喺呢度。
自製沙冰：有四款糖漿，但我只記得分別係薄荷、芒果。配料多到呢：有珍珠、涼粉、寒天，愛玉、芋圓、紅豆綠豆、西米、椰纖果、龍眼、蘆薈、什果等等。。。
自製意大利雪糕：是日有D24榴槤、杏桃、荔枝草莓雪芭、芒果熱情果雪芭。除咗榴槤，我都試食咗，食咗幾杯。雪芭整得好好食，唔過甜。
Haagen daz雪糕：好多餐廳都有㗎啦，冇乜嘢好講。但係呢度有好多種口味：藍莓、士多啤梨、咖啡、雲呢拿、朱古力、曲奇。有啲網友話見過有哈密瓜、夏威夷果仁、焦糖、芒果紅桑子等等。。。
另外仲有：
鮮奶燉桃膠 焦糖燉蛋 芒果黑糯米
咖啡奶凍 抹茶奶凍 草莓奶凍
生果蛋撻 楊枝甘露布甸 伯爵茶蛋糕
栗子蛋糕 芒果慕絲 柚子蜜蛋糕 啫喱
忌廉泡芙 法國咖啡泡芙 絲絨朱古力蛋糕
白桃忌廉鮮奶卷 意大利芝士蛋糕 桂花糕
黑糖豆腐布甸 檸檬蛋白蛋糕 杏桃批 蘋果金寶
不能盡錄。。。。
除咗自家製嘅雪糕雪芭，我都有食焦糖燉蛋啦，幾件蛋糕、奶凍、泡芙，以及好滋潤嘅鮮奶燉桃膠。
呢間酒店都幾好，食到埋尾都不停有出唔同款嘅甜品，可以不停試多幾樣。 — 食晚餐；喺 Alva House 。
張貼
