Fauchon Paris Le Café (已結業)

星期日無無聊聊就同屋企人去左沙田行街，行左無幾耐就想食下午茶，於是就去左新城市中心入面呢間新式西餐廳。餐廳主要以粉紅色作為主調，配以白、黑色，形成一種好大對比的視覺效果，令人感覺好新潮！咁我地就點左餐牌上面既脆炸雞翼配蜜桃辣醬、卡邦尼扁意粉同特式和牛漢堡。脆炸雞翼配蜜桃辣醬雞翼炸得好脆，而且唔會因為淋左汁就淋哂。個醬少少辣辣地、又有少少甜同酸味，食完個感覺非常開胃。超級超級好食！卡邦尼意粉個意粉煮得唔淋唔硬，硬度適中。個卡邦尼醬調配得非常濃郁，有好香既忌廉、蒜頭同奶油味。簡直令人食唔停口！特式和牛漢堡個漢堡既主角-和牛漢堡扒果然無令我失望。塊漢堡扒既牛味十足、配埋其他陷料，成個漢堡非常配合！另外，個炸薯條都炸得好脆，唔會太油、又唔會太淋，個漢堡餐值得再食！