WM Café & Bar (科學園) (已搬遷) 新店位置

踩單車去科學園見到有間WM cafe ，我地就走左入去嘆下午茶，餐廳裝修簡簡單單，開放式嘅坐位煙三文魚牛油果牛角酥配粗薯條（$38）好有驚喜，牛角包外皮超脆！加埋牛油果同三文魚，變成皮脆內軟嘅搭配！另外紐約堡腸配酸椰菜（$58）腸嘅油份夠，份量都好足食完超飽！意式茄汁手打肉丸（$42）肉丸混合牛肉同豬肉，咬嘅時候都會爆肉汁，肉味香濃！食落似喺瑞典肉丸，濃郁嘅番茄肉醬夠晒入味。下午茶仲跟埋餐飲，配埋凍奶茶/熱奶茶消磨下午茶時光超正！如果大家經過科學園又想慢活一下記得唔好錯過喇！