影片
更多
2021-08-07
330 瀏覽
店舖外打卡真係吸引住我入去一直都覺得玫瑰花雪糕好靚，終於有機會食啦，望住店員一路整真係覺得佢哋好勁。我忍唔住就叫咗一個味嘅玫瑰雪糕 $50由於太多隻味唔知揀咩味就諗住試吓雲呢拿先。我想講同平時雲呢拿味真係有啲分別，我覺得佢貴得價值，一黎外觀吸睛，二來上面真係勁多雲呢拿籽，我記得我以前上甜品堂阿Sir教過點解Gelato雪糕會咁貴，原因因為佢上面嘅一粒粒黑色，嗰啲唔係污糟，而係雲呢拿籽。所以我想講佢真係超級足料，仲要佢係唔係硬嘅雪糕，食落有入口即溶嘅感覺。另外我係牛油果愛好者，嚟到唔係唔叫呀嘛？佢啲牛油果仲要係又係砌成玫瑰花🌹超級有心機，同埋牛油果好難搵到啱啱好咁靚仲要切完之後冇變黑，我覺得真係好滿足。我揀咗everything eggs benny $138其實我想講佢真係出色，我食過出面嘅班尼蛋好多時個蛋都唔係我想像中咁樣。但佢係做到流心，連啲火腿都唔會好鹹。上面有啲菠菜冇諗過菠菜同酸種麵包都可以夾到。Ice rose latte $45因為我本身真係好眼瞓忍唔住就叫咗杯咖啡，佢每杯咖啡上面除咗咖啡隔離仲有杯細嘅水佢連凍咖啡個杯都咁精緻呢到真係除咗食物嘢飲雪糕都可以打卡之外，就連舖
一直都覺得玫瑰花雪糕好靚，終於有機會食啦，望住店員一路整真係覺得佢哋好勁。
我忍唔住就叫咗一個味嘅玫瑰雪糕 $50
由於太多隻味唔知揀咩味就諗住試吓雲呢拿先。
我想講同平時雲呢拿味真係有啲分別，我覺得佢貴得價值，一黎外觀吸睛，二來上面真係勁多雲呢拿籽，我記得我以前上甜品堂阿Sir教過點解Gelato雪糕會咁貴，原因因為佢上面嘅一粒粒黑色，嗰啲唔係污糟，而係雲呢拿籽。所以我想講佢真係超級足料，仲要佢係唔係硬嘅雪糕，食落有入口即溶嘅感覺。
另外我係牛油果愛好者，嚟到唔係唔叫呀嘛？
佢啲牛油果仲要係又係砌成玫瑰花🌹
超級有心機，同埋牛油果好難搵到啱啱好咁靚仲要切完之後冇變黑，我覺得真係好滿足。
我揀咗everything eggs benny $138
其實我想講佢真係出色，我食過出面嘅班尼蛋好多時個蛋都唔係我想像中咁樣。但佢係做到流心，連啲火腿都唔會好鹹。上面有啲菠菜冇諗過菠菜同酸種麵包都可以夾到。
Ice rose latte $45
因為我本身真係好眼瞓忍唔住就叫咗杯咖啡，佢每杯咖啡上面除咗咖啡隔離仲有杯細嘅水
佢連凍咖啡個杯都咁精緻
呢到真係除咗食物嘢飲雪糕都可以打卡之外，就連舖頭外面入面都係完全地打卡。
張貼
